...AMMA ONLAR SİYASƏTƏ QARIŞDI

Bundan əvvəlki yazımda türk gəncliyi ilə azərbaycanlı gənclər arasındakı fərqə diqqət çəkmək istəmişdim. Onların siyasətə, sosial məsələlərə, hökümətə olan coşğun münasibəti ilə, bizim (elə içi mən və ətrafım qarışıq) olan passiv, lüzumsuz münasibətimizdən yazmağa çalışmışdım.

O yazını yazmağımdan 3-4 gün keçəməmiş Aprel hadisələrindən sonra mayda keçiriləcək gül bayramına qarşı çıxmaq üçün iki gəncimiz Qiyas İbrahim və Bayram Məmmədovun 28 mayda Heydər Əliyevin heykəlinin üzərinə "Qul bayramınız mübarək" şüarını yazması aranı əməlii başı vəlvələyə saldı. Təbii ki, başqa bir şey gözləyə bilməzdik. Hər iki gənc dərxal xəbs edildilər. Qiyasın artıq məhkəməsi başa çatıb və narko bizneslə əlaqədar 10 il həbs kəsilib :) burda deyirlər tragikomediya. Bu yaxınlarda Bayramın məhkəməsi gözlənilir. Yəqin ki onun da aqibəti eyniylə Qiyasdan fərqli olmayacaq.Noyabrın 4-ü keçirilən məhkəməyə hazırlıq icasında Bayramın dediyi sözlər isə məhz qorxmaz gəncliyin bariz nümunəsidir. Belə ki, işə baxan hakimlər heyətinə etirazı olub-olmadığını soruşulanda, Bayramın cavabı: «Mənim etirazım bu cür dövlətçilik sisteminə və prezidentədir. Sizin yerinizdə kimin oturmasının mənim üçün heç bir fərqi yoxdur. Onsuz da bura məndən ötrü tamaşa zalıdır – Musiqili Komediya Teatrı. Quruluşçu rejissor da İlham Əliyevdir». - olub. Bu sözlər mənə keçən postda haqqında yazdığım Deniz Gezmişin ön məhkəməsində dediyi sözləri, onun da eyni ilə məhkəməyə inanmadığı sözlərini xatırlatdı.

 

Siyasətə qarışmayan və siyasət haqqında fikirlərini ancaq çayxana stollarında müzakirə edən qara beyinli kvadratbaşlar onarla heyf, sizə lazım idi, nə bilim bu tip sözlərlə yazıqları gəldiyini qeyd etdilər. Amma mən zərrəcə olsun onlara yazığım gəlmir. Əksinə, bu gəncliyin səsidir, bu yatmayan beş on nəfərin nəfəsidir. Hələ var olan azadlıq quşunun son nəfəsinin çıxdığını göztərən qığılcımlardır. Dünyanın bütün yerində gənclər azad sözə görə həbs olunur, amma onların heç birinə yazıq deyilmir. Hələ Bayramın anasının o məğrur duruşu! Azadlıqda saysız insanlar var ki beyinləri, fikirləri məhbusdur, ruhları qorxaqdır. Sizin məhbusda olan ruh azadlığınız onların azadlığından qat qat dəyərlidir. Təbii ki, anlayana...

Azadlıqda azadlıqla gorüşəsiniz gənclər! Əsl azadlıqda!!